Aizawl April 15, 2023 : Dawrpui Adventure Club te chuan Mizoram-a lui sei ber, Tlawng Lui chu Sairep, Lunglei District atangin Bairabi, Kolasib District thleng an zawhchhuak a, Mizoram chhunga Adventure Club hminga he lui zawhchhuak thei hmasaber an ni.

Dawrpui Adventure Club te hian March 22, 2023 atanga April 14, 2023 chhung he lui hi an zawh. He expedition ah hian Dawrpui Adventure Club atangin mi pali (4) an kal a, Tlawng lui hi ke, lawng leh anmahni pum siam chawp tein an zawh a ni. Ni 20.3.2023 khan Sports & Youth Services Minister Robert Romawia'n Dawrpui Multipurpose Centre, Aizawl atangin a flag off a, Ni 14.4.2023 khan Dawrpui Local Council bul tumin, Dawrpui Branch YMA leh Dawrpui Adventure Club te nen anmahni hmuahna hun hi Baiarabi-ah leh Dawrpui School-ah an buatsaih a ni.

He expedition atan hian sponsorship hi Sports & Youth Services Department Minister leh vengchhung mi inphal engemaw zat hnen atangin Dawrpui Adventur Club hian a dawng a. He expedition in a tum ber chu Mizoram lui sei ber Tlawng lui zir chian bakah, he lui in a tan tlang khua a khawtlang hruaitute nena inlaichinna tha siam a ni.