Cristiano Ronaldo chuan referee-in penalty a pek a hnawl a, AFC Champions League-a goal awm lova Al Nassr leh Iranian club Persepolis te goal awm lova an inhnehtawk tumin referee hnenah a penalty pek chu hnuk kir turin a ti.

Thawhtanni zan khan Manchester United leh Real Madrid mi ropui, kum 38 mi hi Soroush Rafiei-a’n penalty box chhungah a titlu nia ngaih theih a ni a, Chinese referee Ma Ning pawhin spot a kawk nghal va bawk.

Mahse, Ronaldo hi a tho va, referee pan pahin a kutzungtangin penalty tur a nih loh thu a hrilh nghal a, a lu a thing a, engmah foul a awm loh thu a hrilh bawk.

Referee pawhin VAR (video assistant referee) a rawn zui a, khelmual sira monitor-a a ennawn hnuah Riyadh khawpuia Group E inkhela penalty a pek chu a sut leh ta a ni.

Inhnehtawk mah se Al Nassr hian knockout stage an lut ta tho bawk.

An inkhelh zawhah Ronaldo hian social media-ah, “Kan group atanga tlang hmasa ber kan ni leh inkhel vawi 20 zet tlawm nei lova kan kaltluang hi a lawmawm. Teamwork ropui tak a ni,” a ti.

Portuguese hian penalty a hlawh chhuah leh a hnawl chungchang erawh engmah a tar lang tel lo.

Saudi Arabian club hi Group E-ah vawi li khelhah tlawm nei lovin Thawhtanni zana Al Awwal Park-a an inkhelah hian an hnehtawk chuan a thiam 16 zingah an tel dawn tih an chiang sa a ni.

Al Nassr hi hun tam zawk player 10 chauhvin an khel nghe nghe a, Ali Lajami chu minute 17 lekah Milad Sarlak-a ngala a tlawh avangin hnawh chhuah a ni.

An tlanga an hlim viau rualin Ronaldo hi minute 13 a la awmah Persepolis goalkeeper Alireza Beiranvand nen an insutnaah a intihnat deuh avangin a inhliam bawk a, chu chuan an rilru a la peng deuh.

Manager Luis Castro erawh chuan, “Medical staff-ten Cristiano-a inhliam hi an zir zui mek a, khelh leh huna a dam theihna turin hna an thawk nghal,” a ti thung.

Al Nassr hian Zirtawpni hian Saudi Pro League-a an elpui ber, Al Hilal an hmachhawn dawn a, a chung ber luahtu inchuhna inkhel a ni dawn.

Champions League-ah hian an group inkhel dangah Al Duhail chuan a vawi khat nan hnehna changin Tajikistan club Istiklol chu 2-0 in an hneh.

Group stage atang hian a sang ber team 10 leh pahnihna titha zual paruk chuan knockout round an lut thei dawn a ni.