Senegal chu African Cup of Nation-a an vawikhat champion na turin Sadio Mane hian chakna penalty a pet goal a, World Cup an qualify theihna turin goal pawimawh a khung bawk. A hun taka club leh ram tana rah thin Sadio Mane chu a tum hnih nan Confederation of African Football (CAF) ten 2022 African Football of the Year atan an thlang.

Kum hnih chhung an sem tawh loh award hlu tak dawng tur hian Bayern Munich forward thar Sadio Mane hian Egyptian forward leh Liverpool lama a teammate thin Mohamed Salah leh Senegal lama a khelhpui Eduard Mendy te a khum a ni. 

He chawimawina an sem hnuhnun ber tum 2019 khan, kum 30 mi, German Champion Bayern Munich player thar hian alo dawng tawh a, kum 2020 leh 2021 te khan Covid 19 hripui leng vangin an lo sem tawh lo a ni. 

CAF African Footballer of the Year 2022 chawimawina dawng tur hian Mane hian Senegal chu ahmasa ber turin Africa Cup of Nations-ah a champion pui a, thla ruk hnuah a ram hi Qatar kal turin World Cup qualifying a tlin pui leh bawk. Mane chuan, chawinawina a dawn vangin an ram mipui chungah lawmthu sawiin an ram thalai te tan a award dawn chu a hlan thu a sawi lang bawk.