Aizawl: Agriculture Minister C. Lalrinsanga chuan nimin zing khan Ngopa Saphmuahna Mual ah Zaupui Organic Farmers Producer Company te hman tur Pack House a hawng. He Pack House ah hian khawl chi hramg hrang- Aieng, Chhawhchhi, Antam, Hmarcha, Vaimim, Nihawichi leh Sawhthing  herna khawl bun a ni a. Heng khawl te hi MOVCD-NER hnuaia Zaupui Organic FPC ten an lei niin heng khawl te hi Pulvarizer (her dipna khawl) leh 10 Hp Oil Expeller te an ni.

Hawnna inkhawmah hian Minister chuan thu sawiin, "Organic movement kan kalpui hian rah ?ha a chhuah mek a,  tunhnai mai ah pawh USA thlengin kan organic hmarcha thar kan hralh thei ta a. Organic thlai hi a hrisel piah lamah a market a ?ha a,  organic farming lama kan hmalakna hi na zawka kalpui turin hmabak thui tak kan la nei a ni," a ti. Agriculture Minister hian Ngopa Block Agriculture Office leh Ngopaa Agriculture Department hmunhma te a hmunah a enfiah nghal a ni.

Zaupui Organic FPC hi MOVCD-NER hnuaia din niin farmer 934 an awm a, khaw 18 ah hma la in an thlai pui ber chu hmarcha a ni.