ZALEN May 6, 2026 : Mizoram-a recording lama hnuhma nei lian tak Otto Recording leh Blue Wave Records te chuan an kutchhuak te AI cover tir a, Youtube lama chhawpchhuaktute lakah hmalak an tum a, an hla te hi an la thla lo a nih chuan court hial thlen an tum.

ZALEN in a biaknaah Otto Recording leh Blue Wave Records te chuan harsa taka an hla siam leh sum leh tha senga an buaipui, Al lo cover tir hmuh tur a awm chhoh zel avangin thuneitu lama kal a hma lak an tum tih an sawi a, heng ti thin te hi AI lo cover tir tawh lo turin an ngen a, Youtube lama dahtu te pawh la thla turin an ti a, a nih loh chuan hmalak zel an tum.

Heng recording pahnih te hian an sawi dan chuan tunah hian Ukil lam pawh biak an nei tawh tih an sawi a, Cyber Crime lamah kal phawt an tum a, hemi hian awmzia a nei thui lo anih chuan court thlenga zualko an tum tih ZALEN an hrilh a, Evidence tha tak a awm avangin heng hla siam tawhsa lo khawih danglam post leh theh darh a nihna platform hrang hrangte chu Platform Takedown Notice (DMCA-style/Copyright Complaint) hmanga umzui theih an ni a, copyright bawhchhiatna hmanga thubuai theh luh theih a nih avangin harsatna lian zawk tawh theih a ni an ti.