ZALEN November 18, 2023 : Ningani kalta atanga vawiin zing thlenga Ai ruah sur leh Cyclone Midhili thawk avangin Mizoramah harsatna liantham a thlen hriat a ni lo a, hetih lai hian Zirtawpni zan atanga Salvation Army, Youth Central South Division Rally, Hliappui khuaa neih tur erawh a hunah tan theih a ni lo.

November 17 & 18 chhungin ruah nasa tak leh thlipui lo thleng thei a nih avangin mipuite fimkhur turin Disaster Management & Rehabilitation department chuan mipuite fimkhur turin an chah.

Ningani kalta atang khan Bay of Bengal tuipui atanga thlivir insiam chuan Mizoram tuam tanin ruah a sur tan a, Zirtawpni khan tam deuh mah se chhiatna liantham erawh a thleng lo nia thudawn a ni.

Hetih lai hian Hliappui khuaa SAY Central South Division inkhawmpui neihna tur pandal chu chhe lo mah se ruahsur vang hian a diak nasa hle a. Palai turte pawhin harsatna tawkin a huna thleng thei lo eng emaw zat an awm a, leimin vang leh motor chhia avanga kawnglaka tang eng emaw zat an awm bawk.

Zirtawpni zan dar 7:30 vel khan palai 500-600 vel an thleng tawh a, palai hi 1,500-2,000 vel beisei an nih laiin khaw awm danin a zir loh avangin an beisei ang an kal thei lo mai thei a. Rally hi Pathianni zan thlenga neih tur a ni.