AIFF-in thil chi li-ah sports ministry puihna ngen
![](https://zalen.s3.ap-south-1.amazonaws.com/images/news/1721142714_Untitled-design-4-800x500.png)
All India Football Federation (AIFF) chuan kawng chi liah union sports ministry hnenah puih dilna an thlen.
Thawhtanni khan President Mr. Kalyan Chaubey-a hovin Acting Secretary General M. Satyanarayan leh Treasurer Mr. Kipa Ajay te chuan Union Youth Affairs & Sports Minister Dr. Mansukh Mandaviya kawmin puih an ngaihna hi an thlen a ni.
AIFF-in sports ministry hnena an thlen palite hi - FIFA-in ram leh ram inkhelh hun a hawn (international match window) thinah hmeichhia leh mipa team an khelh ve ziak theihna tur te; hmeichhia leh mipa senior team head coach chungchangah te; 2026 Asian Games khelh tura inbuatsaihna kawlpuina (preparation camp) chungchangah leh goalkeeper bik inzirna tur hmun (goalkeeper academy) siam chungchang te a ni.
Minister Mandaviya pawh hian AIFF hruaitute ngenna hi ngai pawimawhin an sorkarin policy an neih mek hnuaiah theihtawpa an puih tur thu a hrilh.
AIFF GS Satyanarayan chuan, “Nimin khan darkar khat lai sports minister nen kan inkawm a. Football hi sport lar leh lian a nih thu a lo sawi a, kan president pawhin amah leh a ministry-in Indian football tana tha an thawhnaah lawm thu a hrilh ve bawk a. Inkawmna hlawk tak niin nakin zelah pawh thil kan sawiho zel kan beisei,” tiin Thawhlehni khan a sawi.
Pathianni khan Mandaviya hian Srinagar-ah Blue Cubs Development Centre for Jammu & Kashmir Sports Council Football Academy a hawng a. AIFF president pawhin Jammu & Kashmir hi nikum April khan a lo tlawh ve tawh bawk.
Tunah hian AIFF leh Jammu & Kashmir Sports Council te hian naupang zawkten football-a hma an sawn zel theihna turin project hrang hrang an kalpui a, hengte hi union minister pawh hian a tlawh tum hian fakin lawmawm a tih thu a sawi.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024