Aizawl: Mizoram mipui zingah Airtel company-in subscriber an ngah ber a, BSNL chu pahnihna an ni. Tun hnaia tihchhuah tak Statistical Abstract of Mizoram 2017 tarlan danin kum 2016-2017 chhung khan Mizoram ah Airtel hmangtu mi 413326 an awm a, pahnihna BSNL in 186828, Aircel hmangtu 229210, Idea hmang 39759, Vodafone hmang mi 173420 leh Jio hmangtu mi 87710, a vaiin mobile phone connection nei mi 1130253 an awm a ni. Mizoram district hrang hrang zingah Aizawl district ah mobile connection nei hi tam berin 578103 a awm a, Siaha district-ah tlem berin connection 31438 a awm. Chhinchhiah danin landline connection hi a kum telin a tlem sawt hle a, kum 2016-17 ah hian lanbdline connection nei 17237 an awm nia chhinchhiah a ni bawk.