Aizawl;December ni 5 hian ni 2 awh tur Premier Schools Exhibition chu Assmebly Annexe, Tennis Court epah neih tan tur a ni a, he exhibition-ah hian sikul tha 30 an tel dawn a, a tel turte hi CBSE & ICSE international curriculum leh Cambridge International Examination (CIE) & International Baccalaureate (IB) hmangte an ni. Nikum leh kum hmasa lama Premier Schools Exhibition buatsaihtu Afairs chuan thuchhuah siamin "He fair-in a tum ber chu India rama sikul tha ber ber te hmun khata kohkhawma nu leh pa te nen an fate zirna atana hmaichhana inkawmna hun tha siam a ni a.Nu leh pate chuan an fate tan sikul aiawh lokal te zirna zau zawk an duh ang an zawt thei dawn a ni," tiin an tarlang a. An tarlan zel danin class 1 - XI inkar sikul luhna; mipa leh hmeichhia leh co-ed te an ni hlawm a. Dehradun, Bangalore, Pune, Jaipur, Gurgaon, Noida, Kolkata leh khawpui dang atang tein zirna in tha tak tak exhibition-ah hian an tel dawn a ni. Exhibition hi 11:00 AM- 4 :00 a ni a, a tlawhtute hian Premier School Guide (Sikul tha inkaihhruaina bu) a thlawnin pek an ni dawn a, a hmunah admission a tih theih nghal bawk. He exhibition hi Afairs Exhibitions & Media Pvt Ltd leh Lynchpin te buatsaih a ni a. Afairs bik hian India ram chhung leh pawn South Korea ,Thailand, Nepal, Bhutan leh UAE ah te pawh an lo buatsaih tawh thin a ni.