ZALEN Nov. 12, 2024; Tunlaiin Aizawl-ah tel (cooking oil) lei tur a vang nia thudawn a ni a, rei a awh dawn leh dawn loh hriat mai theih a ni lo.

Aizawl a dawrkai thenthatte hnen atanga ZALEN thudawn danin, tunhnai chho a tang khan tel lak tur a vang a, zawrh tur nei mumal tawh lo dawr engemawzat an awm tawh.

Mizoram a dawr bungraw chawluttu dawr pakhat atanga ZALEN thudawnna chuan tel van chhan tak chu chiang taka an hriat theih mai bik loh thu a sawi a, phai lam atangin chawkluh tur a awm mumallo niin a sawi.

Tel chawkluh tur awm mumallo hian engtia rei nge a awh dawn hriat mai theih a ni lo a, mipui nawlpuiin harsatna lian tham an tawh hmaa chawkluh tur a awm leh thuai erawh rin a ni.