Aizawl Area Baptist Choir (2022-2025) chuan August 29, Thawhlehni zan khan music video 'Ka Thlarau Hualhimtu' tih chu an tlangzarh ta. 

He hla hi an conductor Pu Lalramdina phuah a ni a, music producer hi Muanpuia Renthlei a ni. Recording hi Kings & Prophets kutchhuak niin, video hi Green Rocket TV Production kutchhuak a ni bawk. 

He music video hi term kal laia an music video tihchhuah palina niin, Aizawl Area Baptist Choir YouTube channel-ah en theihin a awm. Aizawl Area Baptist Choir hi BCM hnuaia Aizawl veng hrang hrang atanga member lak khawm niin, Aizawl Area Worship Committee-in a enkawl a ni.

Kohhran leh Para-church hrang hrangahte rawngbawlna an nei thin. Tunah hian member 23 awm mekin rawngbawlna nung tak an kalpui chho mek a ni.