Aizawl February 27, 2023: Aizawl Bawrhsap Dr. Lalhriatzuali Ralte chuan G-20 Meeting leh Chapchar Kut chhungin venhimna tha zawk kalpui a nih theih nan 1.3.2023 atanga 3.3.2023 chhung hian Aizawl ah G-20 Meeting neih a nih dawn avangin Drone hman a khap.

Meeting neihna hmun tur MZU Auditorium, MZU Multipurpose Hall, Tanhril leh Chapchar Kut hmanna tur Lammual ah te venhimna tha taka kalpui a nih theihna turin a hnuaia thupek hi chhuah a ni. MZU Auditorium, MZU Multipurpose, Tanhril leh Lammual chungah te Remote Control hmang Drone/Aerial Camera leh hetiang lam chi reng reng Dt. 1.3.2023 atanga Dt. 3.3.2023 chhung hian thlawh tir khap tlat a ni. Thupek bawhchhia an awm a nih chuan an Drone/Aerial Camera te man/kahthlak sak a ni ang a, an chungah dan angin hremna lek a ni ang.