ZALEN August 04, 2026 : Aizawl District Magistrate Er. Lalhriatpuia chuan Aizawl District chhungah sawrkar phalna loa petrol leh diesel hralh leh danin a phal chin aia tam (stock) kawl khapna thupek a chhuah.

DC chuan sawrkar hriatpuina loa petrol leh diesel zawrh chhawn hi dan bawhchhiatna a ni tih puangin, mimalin license nei lova petrol litre 30 (zawrh tur ni lo chauh) leh diesel litre 2,500 (container pakhatin litre 1,000 aia tam lo) aia tam kawl phal a ni lo a ti.

Thupek zawm lo te chu an petrol leh diesel mansak an ni ang a, Section 223, BNS 2023 hmangin an chungah hremna lek theih a ni bawk ang. He thupek hi chhuah a nih atangin thla hnih (2 months) chhung a huam ang.