Aizawl: District Transport Office, Aizawl chhinchhiah danin May thla thleng khan Aizawl district ah mimal leh sawrkar lirthei chi hrang hrang 112319 a awm a, heng zingah hian Two wheeler chu 70048 awmin a tam ber a, Maruti Car/Van chuan dawtin 12308 a awm mek. Transport department chhinchhiah danin mimal lirthei bik hi May thla thleng khan 105170 a awm a, heng zingah hian two wheeler chu tam lawr lakin 68803 a awm a, Maruti Car/Van chuan dawtin 12006 a awm thung a, local taxi chu lirthei tam lamah pathumna niin 6822 a awm a ni. Thla tina lirthei register tharah lirthei ke hnih nei chi chu tam berin May thla khan 664 register a ni a, Maruti car 80 chuang register niin a dang erawh chu 35 hnuai lam vek register anni thung. Sawrkar motor zingah pawh two wheeler chu tam berin Jeep/Bolero in dawtin 1481 a awm a, gupsy 1269 a awm bawk.