ZALEN Ferbruary 24, 2026: YMA Kumpuan “ Ruihhlo Do” bawhzuina kal zelah Central YMA chuan February 20, 2026 atang khan Aizawl khawpui chhungah beihpui a thlak tan. 

Central YMA kaihhruaina a ni 23.01.2026- zana Dawrpui Multipurpose Hall-a Aizawl khawpui chhunga Branch YMA 111 te kalkhawmin an rel angin Aizawl khawpui chhunga Branch hrang hrangte hi Zone 10 ah inthen a ni a. Zone tinah hian Anti- Drugs Squad (ZADS) din a ni a, Puipate inruatin an huamchhunga Branch tin atangin ZADS member tur 3 theuh inruat a ni a. Zone tin hian Duty Post siamin February 20, 2026 atang khan ruihhlo do beihpui hi an tan ta a ni. 

Zone hrang hrang Duty Post te hi ni 21 & 23.2.2026 zan khan Central YMA hruaituten tlawh kualin bul tan nan Rs.10,000/- theuh an hlan a, ZADS hruaitute leh memberte infuihna hun an hmang nghal bawk. Central YMA hian a tul angin Zone tin te mamawh leh harsatna te a enpui zel dawn a ni. 

Heng Zone Anti- Drugs Squad te hi Central YMA hnuaia Central Anti- Drugs Squad (CADS) te nen inpuibawm tawnin an thawk ho dawn a, Central YMA hruaitu ten an vil dawn bawk a ni.