ZALEN November 19, 2024 : Aizawl Mihlun Thlahte chuan vawiin khan Aijal Club-ah High Council an ko a, hruaitu tur mi paruk an thlangchhuak. High Council rorel chuan resolution an siam a, chung zingah chuan Pawl 3 - Aizawl Mihlun Thlahte, INTACH Mizoram Chapter leh Aizawl Hmathlir Pawl te thawhona Joint Working Committee atanga inhnuhdawh a tel.

Aizawl Mihlun Thlahte chuan Assam Rifles ten an ram chhuahsan turah hian mimal leh pawl hmingin ram tumah pek loh nise. Aizawl mipuite tana tangkai thei ang ber tura hman ni rawh se tih resolution an pass. Aizawl Mihlun Thlahte HIGH COUNCIL hian an pawl chu Aizawl thatna leh hmasawnna duh an nih avang leh pressure group an nih loh avangin; Pawl 3 te telna - Aizawl Mihlun Thlahte, INTACH Mizoram Chapter leh Aizawl Hmathlir Pawl te thawhhona Joint Working Committee atangin inhnuhdawh an rel.

Aizawl Mihlun Thlahte chuan vawiin khan Aijal Club ah Inkhawmpui lian High Council an kova. Environment, Forests & Climate Change Minister Lalthansanga chuan khuallian niin a hmanpui. Minister Lalthansanga chuan Aizawl mite chu Mizoram darthlalang an nih avangin; chetze kawngah leh thil tih engkima hmahruaitu ni zel turin a chah a, Aizawl khawpui hmasawn nan leh thanzelna atan ngaihtuahna seng zel turin a chah.

Aizawl Mihlun Thlahte hi Kum 1950 hmalama Aizawla inbengbel tawh, an tu leh faten V. Thanga In, Dawrpuia an din a, tunah hian member 1,200 an inziaklut tawh.

Kum 2024 - 2026 chhunga pawl hruaitu thlan te :

1. Dr. Vanlalruata, Bungkawn

2. ⁠John Rotluangliana, Dawrpui

3. ⁠K. Liantlinga, Venghlui

4. ⁠K. Vanlalnghaka, Dam Veng

5. ⁠R. Lalsangluaia, Kulikawn

6. ⁠V. Lalnunthara, Dawrpui