October, 23, 2023; Inthlan hnuhnung ber 2018 a ZPM thlawp, Independent a Vanlalhlana tlinna bial Aizawl North I ah candidate pali (4) an awm dawn a, bial ngaihawm leh ngaihven hlawh pawl a tling ang.

Tawi bial a MLA term 5 tling thei, a zawn a cabinet minister term 3 ni thei R. Lalzirliana dinna bial thar tur a nih vangte, congress party in an 'sahuai' neih zinga mi, Mizoram chief secretary hlui Lalnunmawia Chuaungo IAS (retd) te bakah, bialtu MLA ni mek, ZPM 'palian' zing a mi Vanlalhlana te dinna tur a ni dawn a, an kar ah Nl Mafeli Hlawndo a awm dawn bawk. Mafeli hi Independent candidate ah rau rau chuan vote hmu tam pawl tak a lo ni tawh thin.

Aizawl North I Candidate te (mimal) hausakna Affidavit a an tarlan dan :

R. Lalzirliana (MNF) :

Khawih chet theih (moveable assets) pawisa, lirthei tlereuh etc. Rs.70,23,893 hu a nei a, khawih chet theih loh (Immoveable assets) ram, in etc. Rs. 6,33,50,000 hu a nei.

Lalnunmawia Chuaungo (INC) :

Khawih chet theih (moveable assets) pawisa, lirthei, tlereuh etc. Rs. 39,15,450 hu a nei a, khawih chet theih loh (immoveable assets) ram, in etc. Rs. 7,68,77,000 hu a nei.

Vanlalhlana (ZPM) :

Khawih chet theih (moveable assets) pawisa, lirthei, tlereuh etc. Rs.89,00,000 hu a nei a, khawih chet theih loh (Immoveable assets) ram, in etc. Rs. 2,65,00,000 hu a nei.

Lalruatfeli Hlawndo (Independent) :

Khawih chet theih (moveable assets) pawisa, lirthei, tlereuh etc. Rs.1,25,000 hu a nei a, khawih chet theih loh (Immoveable assets) ram, in etc. ama hming a neih nei lo.