Aizawl; Aizawl Zoological Park-ah Sakei (Bengal Royal Tiger) a nu leh a pa dah belh a ni dawn a, chumi la tur chuan thawktute Nandankanan Zoological Park ah an thang mek.

Nandankanan Zoological Park nen ramsa inthleng tawn (exchange programme) kaltlanga Sakei nu leh a pa lak tur chungchangah Central Zoo Authority (CZA) atangin phalna hmuh a ni a, Sakei lak turte chu kum nga a upa ve ve an ni a, Savawm leh Hauhuk pek an ni ve thung ang. Sakei la tur hian thawktute an thang mek a, harsatna a awm loh chuan tun tun thla March ni 30 ah hian Mizoram an rawn thlen theih beisei a ni.

Nikum February thla khan Guwahati Zoo atangin ramsa inthleng tawn kaltlang thoin, Sakei (keipui) lak a lo ni tawh a, a nu leh a pa lak tum a nih laiin, a nu chauh lak a ni a, kum 15 vela upa a ni.

Sakei dah belh turte hi a awmsa nen dah ho theih an nih dawn loh avangin tuna Sakei awmna chu a laiah phel (seperate) a ni a, a in thar  (feeding cubicle) leh a tul huna dah hranna tur (kraal) thar siam a ni bawk.