District Badminton Association : Aizawl South (DBAAS) chuan Mizoram Badminton Association (MBA) buatsaih, 2nd Inter DBA Team Championship Tournament-a category pali awmah pahnihah champion niin Mizorama badminton thiam ber district an ni ta.

Nilaini atanga Ramhlun Indoor Stadium-a khelh hi Zirtawpi zan thimhlim khan zawh fel niin DBAAS hi a pum puiah DBAAS hi 35+ leh 45+ men’s team-ah an champion a, anni aia category la hnem an awm lo va, overall championship trophy an hawn.

Kum 2023-24 chhunga MBA-in inelna a huaihawt hmasak ber, season khuhhawnna ni bawkah hian district paruk an inlan a. Category pali - Junior Mixed Team, Senior Mixed Team, 35+ Men’s Team leh 45+ Men’s Team-ah te inelna neih a ni.

Tournament-ah hian senior mixed team hi best of five-a inel niin mipa maltan, hmeichhe maltan, mipa leh hmeichhe doubles leh te khelh a ni a. Category dang zawng chu best of three-a khelh a ni thung.

Inelna ngaihhlut ber, senior mixed team-ah Champhai District Badminton Association-in deciding match-ah Aizawl North District hnehin an champion a. Junior mixed team-ah Aizawl North District chu champion-in 35+ leh 45+ men’s team-ah te DBAAS an champion ve thung.

Category pahniha gold an lak theih avang hian DBAAS team hi overall champion an ni ta a ni.

Result kimchang:
Junior Mixed Team:
Champions: District Badminton Association : Aizawl North (DBAAN)
Runner-up: District Badminton Association : Aizawl Central (DBAAC)

Senior Mixed Team:
Champions: Champhai District Badminton Association (CDBA)
Runner-up: District Badminton Association : Aizawl North (DBAAN)

35+ Men’s Team:
Champions: District Badminton Association : Aizawl South (DBAAS)
Runner-up: Champhai District Badminton Association (CDBA)

45+ Men’s Team:
Champions: District Badminton Association : Aizawl South (DBAAS)
Runner-up: District Badminton Association : Aizawl North (DBAAN)