24th Mizoram Official Taekwondo Championship ni 5 awh chu zirtawpni August ni 19, 2022 khan MATA Hall, Republic Vengthlanga zawh fel a ni a, Aizawl Taekwondo Academy (Electric Veng Taekwondo) te an chetha hle a, a pumpuiah champion-in Sub-Junior, Cadet leh Junior Category-ah te an Champion vek thei a ni. 

Kharna huna khuallian Horticulture Development Board Vice Chairman Prof. F.Lalnunmawia chuan 2028 Olympic thlir chunga Taekwondo khel theuh turin infiammi te a chah a, Olympic medal lak tuma chona an hmachhawn chu lawmawm a tih thu leh mizo hming lang phak ngei turin tumruhna, chhelna leh taimakna te nei turin a fuih. 

Taekwondo championship-a overall champion, Aizawl Taekwondo Academy chuan point 2240 an hmu a, pahnihna Exodus School, Chaltlang-in point 1788 an hmu thung. Point 1604 hmutu Armed Veng South Taekwondo Club te pathumna niin Best Fighting Spirit Team trophy an chawi a. Taekwondo Academy of Best Friend ten point 1334 hmuin Most Promising Team-ah puan an ni a, Best Discipline Team-ah Lunglei District Amateur Taekwondo Association thlan niin an ni hian point 1067 an hmu. Exodus School hian Poomsae inelna huangah Pewee, Sub-Junior leh Cadet category-ah te an champion vek. 

Category hrang hrang Gold medalist ten 2022 Champion of Champions(CoC) zawnna neiin mipa lamah gold medalist 13 ten CoC an khel a, senior under 74kg category champion Vanlalmawipuia Hnamte chuan a Champion nawn. 

Hmeichhe lamah under 49kg champion Ramdingliani'n tum 3 lai CoC title la tawh Kaplianzawni hnehin a vawi khat nan a Champion. Ramdingliani hi kum 14 mi chauh la niin CoC title la thei naupang ber a ni. 

Club 20 atanga player 320 telna official championship Kyorugi Best Fighter-ah Laltlanmawia (MZUTC) leh Ramdingliani (TABF) te thlan niin Poomsae Best Performer-ah H.Vanlalfela (Gidae TC) thlan a ni bawk.

Age category team champion result:
Kyorugi Inelna huangah
Sub-Junior Team Champion
ATA, Electric Veng Cadet
Team Champion
ATA, Electric Veng
Junior Team Champion 
ATA, Electric Veng
Senior Team Champion 
Taekwondo Academy of Best Friend

Poomsae result:
Pewee Team Champion 
Exodus School
Sub-Junior Team Champion- 
Exodus School
Cadet Team Champion- Exodus School
Junior Team Champion- 
Armed Veng Taekwondo Academy
Senior Team Champion- Gidae TC

Overall top 5 and team point:
1. Aizawl Taekwondo Academy, Electric Veng, 2240 pts
2. Exodus school Taekwondo Club, 1788 pts
3. Armed Veng South Taekwondo Club, 1604 pts
4. Taekwondo Academy of Best Friend, 1334 pts
5. Lunglei DATA, 1067 pts