ZALEN January 27, 2026 : Vawiin khan Mizoram Rajya Sabha MP K. Vanlalvena chuan Sairang Rel Station atanga Mizoram chhim tawp Myanmar ramri thlenga rel kawng sialna tur zirchianna hmasa Preliminary Survey zawh a nih tawh thu sawiin, he rel kawng sialna tur pawisa chu kumin Union Budget ah hian dah nghal a tul thu a sawi chhuak.

He thu hi Parliament Budget Session inbuatsaihna All Parliamentary Floor Leaders meeting-ah MP K.Vena chuan sawiin he rel kawng thar hi India ram tan leh Mizoram tan a pawimawh avangin hmanhmawh a tul a tih thu a sawi a.

MP chuan Sairang rel kawng thar hi nikum ah Prime Minister-in a hawng tih a sawi a, 'Sairang rel station chu Aizawl atanga Lengpui Airport panna kawngpui sira awm a nih avang leh rel station thar a awm avangin motor kawng a lun thar hle a. Tuna kawngpui awm sa Aizawl leh Sairang inkar motor kawng chu a zau tawk tawh lo a, rang thei ang bera Sairang rel station leh Aizawl khawpui inkar chu Four Lane kawnga siam a tul a ni,' tiin a sawi. Kumin 2026-27 Union Budgetah dah nghal a tul thu a sawi bawk.