ZALEN June 26, 2026 : Aizawl Traffic Police chuan dan bawhchhiatna hrang hrang avanga lirthei chetsualna thleng thin ti tlem tur leh mipui him zawk nan Ningani zan dar 9 hnu lam atanga Zirtawpni khawvar dawn thlengin Aizawl khawpui hmun hrang hrangah Special Drive an nei

Special Drive an neih zarah hian dan bawhchhiatna hrang hranga inhnamhnawih mi 58 man.

An mante chu phal loh zawng (Wrongside)-a tlan 18, helmet khum lo 15, license neilo 5, bike ri ring 3, rui chunga lirthei khalh 3, hlauhawm taka khalh/No Entry/Tripple riding/Improper Helmet etc 14 te an ni.

Traffic Police te chuan lirthei khalhtute zingah inthlahdah avang leh midang tana harsatna thlen hreh miah lo; dan bawhchhia man tur kan la awm hi a pawi hle a, lirthei neitu/khalhtute tan la thar zel turin kan inchah a ni an ti.

Aizawl khawpui a lo him a, thlamuang taka kan kawngpuite mitinin kan hman tlân theih nan Special Drive hi a tul anga kalpui zel a nih tur thu an tarlang bawk.