February 23, 2024; Tun dinhmun a Aizawl mipui 3,78,500 te nitin tui mamawh chu 66.42 MLD (Million Litre Per Day) a tling.

Vawiin Assembly Budget Session zawhna leh chhanna hunah Aizawl West III bialtu MLA VL Zaithamzama zawhna chhangin PHE minister Prof. Lalnilawma chuan, tun dinhmun ah Aizawl khawpuiah mihring 3,78,500 vel awm ang a ni tih sawiin, tui hnianghnar taka dawng tur chuan Central Public Health and Environmental Engineering Organisation (CPHEEO) Guidelines @ 135 Litre Per Capita Per Day (LPCD) angin tui 66.42 MLD mamawh a ni tih a sawi.

Hetihlai hian tun dinhmun ah tui 28.77 MLD nitin pump chhuah thin a ni tih a sawi bawk.