ZALEN Feb 3, 2026: MIZORAM FIRST chuan Aizawlah hnamdang (vai) sumdawng an pung nasa tih an sawi a, chhiah pe erawh an tlem hle niin an sawi.

Vawiin chhun khan MIZORAM FIRST hruaitute chuan Aizawl press club ah thuthar thehdarhtute an kawm a, chuta an tarlan dan chuan, nikum October 2025 chhung khan Aizawl khawpuiah hnamdang, a bikin vai hovin sumdawnna an kalpui dan uluk takin an zir (survey) a, Kulikawn atanga Zemabawk inkar veng 24 zirchianna atangin, Aizawlah hnamdang dawr a tam tawh hle a, a langsar chin maiah pawh dawr 122 an chhiar a ni.

Tun hnaiah vai dawr a pung nasa hle tih MIZORAM FIRST hruaitute chuan an sawi a, heng vaiin an nghah dawr tam zawk fe (76.2%) chu a neitu-ah Mizo hming a awm a, a nghaktu zawng zawng pawh vai an nih avangin, a hlawkna tel tak taktu chu vai an ni tih a chiang hle, an ti bawk.

Heng vai dawr 122-ah hian vai hnathawk 342 awmin, chung zinga 34% te chu ILP show thei lo/valid nei lo an nih thu te, Assam leh Bihar ațanga lo kal an tam ber thu te leh Aizawla vai dawrte hi lian tak tak a tam a, GST pe an tlem hle thu te an sawi.

#ZalenNews