Aizawl; Aizawl Traffic SP Lallianmawia chuan, krismas leh kumthar vuakvet atana inbuatsaih nan khauh leh zualin dan an lekkawh mek tih a sawi a. Mipuite him nan Zero Tolerance pawh an kalpui leh dawn tih sawiin, hemi chungchang hi traffic management committee-in a tul angin ruahmanna a la siam dawn niin a sawi bawk. Aizawl khawpui chhunga lirthei neitute leh kawngpuia ke-a kal mipuite himna atan traffic police te chuan theihtawp an chhuah reng tih traffic SP chuan a sawi a. Krismas leh kumthar vuakvetah khauh zawkin dan an lekkawh dawn tih a sawi. Hemi atan hian tun atangin hmalakna an kalpui tan a ni tawh a ni, a ti. Zero Tolerance pawh kumdang ang bawkin kalpui leh an tum ni a sawiin, hei erawh hi chu traffic mamangement committee-ah ngaihtuah a ni dawn niin a sawi.