Mohamed Salahgoal hmahruai thunin second half tir lamah Darwin Nunez-a'n a thun leh a, Harvey Elliott chuan an goal thumna thunin si thum faiin Liverpool-in Ajax an hneh.

UEFA Champions League group stage inkhelah hian Group A atangin Ajax hnehtu Liverpool hian round of 16 an lut.
Amsterdam Arena-a inkhelhah hian Liverpool hi an chungnung zawk hle a, Liverpool hian point thum hlu tak an hlawh chhuak a ni.

Group A inkhel dangah Italian club Napoli chuan Scottish club Rangers mikhualin, Giovanni Simeone-a goal hnih leh Leo Skiri Ostigard goal khat hmangin si thum fai bawkin Napoli hi an chak.  

Group A atang hian Napoli leh Liverpool hian round of 16 an lut chiang tawh a, group hmahruaitu Napoli hian an team hmachhawn te hneh vekin point 15 an nei a, pahnihna Liverpool hian point 12 an hlawhchhuak tawh thung. Pathumna Ajax erawhin point 3 chauh an la nei a, a mawngphah Rangers erawhin hneh an la nei ve lo thung. 

Nizan inkhelah hian half time hma lawk minute 41-naah Liverpool lamin Salah hnangin goal hmahruai an thun a, he goal hi Liverpool captain Jordan Henderson-a siam sak a ni. 

Chawlhlawk zawh an lut tan chauh tihin minute 48-ah Nunez a tauh luh hmangin goal hnihna an thun leh. Nunez hian Andy Robertson-a'n corner atanga a ball vawrh luh chu mawi takin a lo tauh lut a ni. Minute 51-naah Liverpool lam hian Elliot hmangin an goal thumna an thun leh a ni.