Bollywood superstar Alia Bhatt chuan a hming official-in a thlak dawn a, sapho tih ang deuhin a hming tawpah a pasal hming a dah tel dawn. A hming thar tur hi official-a puan la ni lo mah se - Alia Bhatt-Kapoor emaw Alia Kapoor-Bhatt tiin a thlak dawn tih an tarlang. 

Bollywood actor (Bollywood-ah chuan hmeichhia pawh actor tiin an sawi) te hian pasal neih hnua an pasalte hming chhawm an ching hle a, Priyanka Chopra pawhin a hming tawpah Jonas a belh. Chutiang bawkin Bipasha Basu pawhin Bipasha Basu Singh Grover a inti a, Alia Bhatt pawhin a pasal hming Kapoor a chhawm dawn a ni. 

Kum 29 mi Alia Bhatt hi Ranbir Kapoor (39) nen kumtir lam khan an innei a, fa an la nei lo. Nu a nih hnuah pawh film industry-ah a la inlan zel a, February-a tlangzarh 'Gangubai Kathiawadi' ah pawh khan a changtu nu ber a ni. Hlawh pawh an la pe sang ngam hle a, Bollywood star zinga hlawh hnem ber pawl a ni phak. 

Alia Bhatt hian nau a pai mek a, kuminah a neih hman a rinawm. Ranbir Kapoor nena an chan dunna 'Brahmastra' chu September 9, 2022 hian an tlangzarh dawn a ni.