ZALEN November 26, 2024 : All Mizoram Village Council Association (AMVCA) chu vawiin khan Dawrpui Multipurpose Centre-ah General Conference an hmang a, he hunah sawrkarin Village Council te term pawh tawi a tum chungchangah an inrawnkhawm a, VC zahawmna humhimna atan High Court kal an tum.

All Mizoram Village Council President K. Lalngaizuala chuan an kalkawhmnaah hian member te an kal tha hle tih a sawi a, Aizawl City Local Council Association leh Lunglei Local Council Association aiawh atangin thu an sawi bawk a ni. AMVCA President chuan a hun hmaa village Council inthlantir hi an duh lo tlang tih ZALEN a hrilh a, vawiin pawh hian lungrual takin resolution an passed-a, za-a-za in High Court kal hi an duh tih a sawi.

VC term pawhtawi hrim hrim chu an do a ni loba, democracy lo hle-a an hriat vanga duh lo an ni tih an sawi a, Village Council zahawmna humhim nan an dikna chanvote a nihna anga taka an kenkawh thei nana hmala an nih tih sawiin, zanin atang hian ukil tur te biaka hun hman nghal an tum thu a sawi bawk.