'Amawii' film-ah Mizo Ido star David Darlong
Mizo Idol star David Darlong chu Mizo film chhuak thar tur Amawii film-ah a inlan ve tlat mai. He film hi thla thar maia tihchhuah tur a ni a, David Darlong bakah hian Ruthi Chenkual pawh a changtu zingah a tel - en chakawm tawh tak a ni. 

David Darlong hi Mizo Idol 2022-ah khan top 3 lai a inhlangkai a, a zaithiam zia sawi nawn a ngai lo. Lem chan lam pawh hi a tithei viau turah ngaih a ni a, a lo thiam tel reng em tih hmuh theihin a awm tuai dawn e. David Darlong hian role pawimawh tak a play dawn niin a lang a, a lanna video clip pawh hmuh tur a awm tawh. 

Amawii hi Zote Entertainment te kutchhuak a ni leh dawn a, an director hi Mike a ni. Asst. Director chu Aruata Fanai a ni a, Director of Photography chi Ruattea Photography a ni thung. 'Ka U Liana' film-a che hit zet mai Ruthi Chenkual chu Amawii film-ah hian kan hmu leh dawn a, David Darlong nen hian boruak nei lian ber an ni mek. 

Anni bakah hian - Feli Ralte, Aaron Malsawmdawngzuala leh Maneihi Fanai te pawh an inlan dawn. Amawii hi tlangzarh hun tur chiang taka tarlan a la ni lo a, February thla chaw hnu lamah chuan en theihin a awm tawh tura ngaih a ni.