Chief Minister Lalduhoma chu Asia khawmualpuia hausa ber, Mukesh Ambani te fapa naupang ber, Anant Ambani-a nupui neihnaa tel turin sawm a ni.

Lalduhoma hian sawm a nih thu hi ama Instagram account-ah sawmna lehkha nen vawiin chawhnu khan a tar lang a. "Anant Ambani leh Radhika Merchant te inneihna tura sawm ka ni hi la lawm tak zet a, he inpumkhatna mawi tak chhim hlan hi ka nghakhlel tawh hle a ni," tiin sap tawngin a tar lang.

Chief minister hian Ambani chhungkaw chungah a bika sawm zinga a tel ve avangin lawm thu a sawi a, tuak tharte duhsakna a hlan bawk.

Anant leh Merchant-i te inneih hun tak hi July 12-14 a ni dawn a, Pathianni hian Hindu sakhaw dana inneih lawm lawkna, Sangeet neih a ni ang.