Aizawl June 10, 2023 : Aizawl Municipal Corporation-a Opposition Corporator te chuan In sak, lei laih leh dawr hawn phalna licence chu a rei thin hle an ti a, AMC-a sawrkar lai MNF chuan mipuite tana zangkhat ngaihtuah ai chuan harsatna an siam duh emaw emaw tih mai tur a ni, an ti.

Opposition Corporator te chuan Aizawl mipui ten AMC an dawr zin berna chu In sak, lei laih leh dawr hawn phalna dil te a ni an ti a, heng dilna ho hi a thang rei thin hle a, a thla a thlate nghah a ngai thin. A bik takin in sa duh te tan lei paih phal loh hun chhung kuminah August-October thleng a ni a. Lei laih theih hun chhunga phalna hmu hman lo an awm fo thin. "Mipuie tana zangkhai ngaihtuah aia chuan harsatna an siam duh zawm emaw ni tih mai tur a ni," an ti.

Board of Councillor-ah pawh licence dilna hi hmanhmawh theih dan ngaihtuah a ngai tih an sawi fo a, mahse, hmalak a ni ngai lo an ti. ZPM Corporator Malsawmzuala Ralte chuan heng In sak, lei laih leh dawr hawn phalna licence dil te hi an sawipui fo tih sawiin, "Sawi pui hi chuan awlsam te hian an la ve leh mai thei a, sawipui lova thil a thang rei lutuk thin hian Administration-ah an hlawhchham zia a tilang a ni," a ti.