October 20, 2023; Aizawl Municipal Corporation (AMC) chuan chhiatna leh nunna chan palhna a thlen lohna turin July atanga October chhungin lei laih leh leivung hmanga ruam/kawr chhun khah a khap mek a, heimi vang hian lei laih vanga chhiatna pawh a thlen tlem phah nia hriat a ni.

AMC chuan chhiatna leh nunna chan palhna a thlen lohna turin July - October chhungin lei laih leh leivung hmanga ruam/kawr chhun a khap thin a, hei hi kalpui mek a la ni. Khap a nih nachhan hi Mizoramah fur pui laia lei laih vangin chhiatna leh nunna chan palhna thleng thin venna tur a ni.

Lei laih leh leivung paih khapna AMC in a siam bawhchhia hremna pek hi awm thim mah se a tlangpuiin, mipuiin an zawm tha hle niin AMC chuan a hria a, kumdang aiin lei laih vanga chhiatna thleng pawh a tlem phah niin a hriat.

Hetihlai hian AMC huam chhungah lei vung paih phalna hmun 8 awmin, chungte chu Tuirial Road, Near RD Godown, Zemabawk te, World Bank Road, (Near College Veng Thlanmual road) ITI te, Durtlang Leitan, (Near Bethel Camping Centre), Govt. Complex, Durtlang Leitan (Zuangtui Selesih Road), World Bank Road (Near Zampuimanga Thlan) Melthum, Luangmual (Near Govt. Complex), Luangmual (Near Govt. Complex) te a ni.