ZALEN June 4, 2024 : Aizawl AMC Ward No XIX Corporator, Baryl Vanneihsangi Tlau chu kum 2023 General Election-ah Aizawl South III bialah thlan tlin a nih tak avangin AMC Ward No XIX chu a ruak ta a, a aiawhtur hi June 24, 2024 hian thlan tur a ni a, June 6, 2024 tlai dar 3:00 hma in nomination file tur a ni.

Ward No XIX Corporator tur hian ZPM leh MNF te chuan candidate tur an tichiang tawh a, anni hian Doctor ve ve an candidate dawn a ni, ZPM hian Dr. C. Malsawmtluangi W/o Lalmuanawma, Hlimen an dintir dawn a, MNF lam hian Dr. Lalrinzuali Hrahsel D/o Dr. ZR Thiamsanga, Ex MLA, Kulikawn an dintir ve thung dawn a ni.

Dr. C. Malsawmtluangi hian NEHU Department of Zoology atangin Ph.D degree a zo a, a pasal nen fa pathum an nei tawh. Dr. Lalrinzuali Hrahsel hi Bachelor of Dental Surgery a ni thung a, Dr. ZR Thiamsanga fate zinga a milai niin u pahnih leh nau pahnih a nei a, Kulikawn Pastor Bial Zaipawl member term 2-na hmang zo chiah a ni.