AIZAWL: Aizawl Municipal Corporation chuan hmarchhaka khawpui fai ber chawimawina chu August ni 10 hian Nedfi Convention Hall, Guwahati ah a dawng dawn a, Dr. H. Lalthlangliana, Comissioner, Aizawl Municipal Corporation chu he chawimawina dawng tur hian a kal dawn niin Centre for Science and Environment, New Delhi thawktute chuan Zalen a hrilh. 'CSE in a buatsaih Clean City Award ah hian khuallian ah Sarbana Sonawal chu beisei a ni a, CSE atang hian khawpui fai leh bawhlawh paih dan thupui Not in My Backyard sawihawnnna neih kan tum a, lehkhabu tlangzarh turin kan inbuatsaih bawk', tiin he hun huaihawttu CSE hotu Hemanth Subramanium chuan Zalen a hrilh a ni. August ni 11 leh 12 ah NE Journalist te tan Workshop buatsaih a ni dawn a, mimala sawm an nih angin Mizoram atangin 2 an tel beisei a ni.