Aizawl February 24, 2024 : Urban Development & Poverty Alleviation Minister K.Sapdanga chuan Aizawl Municipal Corporation office sak nan vaibelchhe 30 leh AMC building sak nan vaibelchhe 20 pek an ni dawn tih a sawi.

Vawiin Lammual-a Aizawl day 2024 lawmna hun a hmanpuinaah he thu hi sawiin UD&PA Minister chuan Aizawl khawpui tui tlan, Tlawng lui chawmtu a bawlhhlawh lut thin thenfaina 'waste trap' siam nan AMC ah vaibelchhe 2 pek an ni dawn tih a sawi bawk a. Hei bakah hian Tuirial a bawlhhlawh sawngbawlna solid wate management centre chu tih changtlun tum anih thu te, PWD in Hualngohmun ah Aizawl bawlhhlawh sawngbawlna an siam mek thu leh Aizawl City Smart Ltd. bultumin Luangmual-ah plastic sawngbawlna hmun din tum a ni tih a sawi bawk.

Vawiin Aizawl dincham 'Aizawl day' lawmnaah Aizawl a damrei ber Pi Buangi Sailo @Lalneihsangi, kum 106 leh thla 10 chawimawina neih a niin Mayor Lalrinenga Sailo in lawmpuina thuziak leh pawisa fai a hlan.