Aizawl;Aizawl Municipal Council leh SIPMIU hmalakna in Aizawl khawpui veng 5 ah bawlhhlawh thliarhran hna thawh tan a ni a, he enchhina hi a hlawhtlin chuan Aizawl ah hman chhunzawm a ni ang. AMC leh SIPMIU hian veng 5- College veng, Chawnpui, Laipuitlang, Nursery leh Kanan vengah te bawlhhlawh thliahran hna hi kalpui tanin heng vengah te hian bawlhhlawh bawm pahnih, a tawih thei leh tawih theilo sem a ni a. Bawlhhlawh paih motor pawh siam hrangin a tawih thei hi SIPMIU chuan lakhawmin Lengpui ah Vermizo Society te nen tang tlangin leitha an siam a, tawih theilo hi Tuirial a dumping ground ah paih thin a ni. Ruahman dan chuan Tuirial a bawlhhlawh paihna hmunah hian leitha a siam theih te, hman nawn leh theih leh phum nghal tur te thliarhrangtu tur khawl chu tun thla chhung hian bun hman tum a ni a, he khawl hi Myanmar atangin phurhthlen a ni tawh a ni. Ruahman dan chuan tuna Tuirial bul dumping ground a bawlhhlawh hai thin te chu bawlhhlawh thliarhrang tur hian rawih tum an ni.