Aizawl June 10, 2024 : Mipui chhiah pek khawm property tax chungchangah Aizawl Minicipal Corporation-a Opposition Corporator te chuan MNF AMC sawrkar sum hmandanah thil fello tam tak a awm niin an sawi a, nuai 195 chuang hmanna house-in an hriatpui loh thu an sawi.

Opposition party pahnih ZPM leh Congress te chuan Mipui chhiah pek khawm property tax return hman dan tura ruahman sa chu - 5% chu Property tax khawn khawmtu Local Council te chanpual ; 15% chu Office Administration atan hman a ni a, 80% chu Corporator te kutah lutin, ward chhunga veng hrang hrang hmasawnna atana sem thin a ni, an ti.

Term hmasaah chuan 80% hi a inzat theuhin ward tina veng tin hmasawnna atan pek let leh thin a ni a, tun term-ah hian a inzata insem rual thap a ni ngai ta lo, an ti.

2023-24 ah hian sum hmuh zat chu Rs. 6,00,00,000 a ni a, chumi atanga 5% Rs. 30,00,000 chu Local Council ten an chang a, 15% - Rs. 90,00,000 chu Administrative expense atan hman a ni. 80% - Rs. 48,00,00,000 chu Ward tinah Rs. 1500000 theuhin an dawng tih an sawi a, an sum hmuh belhkhawm hi Rs. 2,85,00,000 a ni a, a bak Rs. 1,95,00,000 (Rs. 1.95 Cr) chu an hmanna house-in kan hriatpui lo an ti.

AMC budget-ah property tax hmuh zat tarlan thin a nih laiin, a hmanna erawh tarlan a ni ngai lo. Aizawl mipuite sum thawhkhawm property tax hi a hmanna kimchang mipui ten an hre ngei tur a ni an ti a, MNF AMC sawrkar chu sawrkar tlak lova an ngaih thu an sawi bawk.