ZALEN September 9, 2025 : All Mizoram CSS Employee Coordination Committee (AMCECC) chuan an ruahman lawk angin vawiin atangin sawrkar laka lungawilohna lantirin MCL an la tan.

AMCECC chuan report an dawn chinah Mizorama Sawrkar Damdawi in hmun hrang hranga CSS hnuaia thawkte an chawlh avangin damlo enkawl kawngah harsatna nasa tak a thleng a. PHC/ UPHC leh Sub Centre engemawzat khar a ni. Hei bakah hian zirna lama thawktu tam zawk an chawlh avangin School 500 chuangah zirna kalpui theih a nilo a. DEO leh DPC office tam zawk pawhin hna an thawk mumal thei lo bawk.

Mass casual Leave lak avang hian Development Works khawihtu Department hrang hrang - RD&AD, UD&PA, Agriculture, Horticulture etc hnuaia CSS staff te an nawrh tel avangin heng ni 100 inhlawhna, Self help group kaihhnawih, Digital Crop survey, in sak tanpuina etc. te kalpui theih a ni lo a. Social Welfare hnuaiah Women & Child Development a hna kal mek a chawl vek bawk an ti.

AMCECC hruaitute chuan, "Regularisation of CSS Employees Scheme, 2024' hi a taka an hman thuai theih nan leh siamrem ngaite siamrem sak turin kan phut tlat a ni. He Scheme hi AMCECC Affiliated Association leh member ni lo ten hman ve an remti lo a. AMCECC hmalakna zawmlo ten he scheme hi hman tumlo turin kan hriattir a. Hman luih tum an lo awm anih pawhin a tawp thlengin AMCECC in a do dal ang," an ti bawk.