American actor Jason Momoa chu 'Fast And Furious 10' ah a inlan dawn tih a chiang ta. 
'Aquaman' star hi Fast And Furious film chhuak thar leh turah hian a chang dawn tih tihchian a ni tawh a, hemi chungchang hi film siamtu lam pawhin Twitter leh Instagram lamah an tarlan a ni. 
Kum 42 mi Jason hi Fast And Furious film-a Dominic Toretto lema chang Vin Diesel nen a inhmachhawn zawngin an chang dawn a nih hmel a, en chakawm tawh tak a ni. F9 ah khan Vin Diesel, John Cena leh Charlize Theron bakah lemchan khawvela hriat hlawh tak takte an lo inlan tawh a, F10 pawh hi a changtu turte atang ringawt pawhin nghehhlehawm tawh tak a ni. 
'Fast and Furious 10' hi 'The Fast Saga' tawpna tur a ni tawh dawn a, thuanghnihah then a ni ang. 
A pakhat zawk hi May 19, 2023-ah release a ni ang a,  Taiwanese-born American film-maker Justin Lin chuan a direct dawn a ni. F10 ah hian Fast and Furious family member eng emaw zat an inlan leh ngei dawn a, chung zingah chuan - Michelle Rodriguez, Tyrese Gibson, Ludacris leh Sung Kang te pawh tel tura ngaih an ni. Hetih lai hian F10-ah hi chuan American actor Dwayne "The Rock" Johnson erawh a inlan tawh dawn lo thung. 
'Jungle Cruise' star The Rock hian nikum December khan a inlan tawh loh tur thu hi a lo sawi chiang tawh a, chutih rual chuan  Fast and Furious franchise a thlawp thu leh hlawhtling ngei tura a duh thu a lo sawi tawh a ni.