ZALEN Sept. 18, 2024; Lalremruati (32) D/o Lalsangliana (L) Bairabi Hmar veng chu hnathawka a awmna Amritsar, Punjab-a a chenna-ah thiin hmuh a ni.

Lalremruati hi Elegant Spa Mall road, Amritsar Punjab a kum 1 a thawh hnuin, Lorance Road-a Saloon ah a insawn a, ni 15 vel a thawk hman ni a hriat a ni.

 A inluah neitute sawi danin, 17.9.2024 zingah a pum nawm loh thu a sawi a, hna pawh a kal lo. Tlai dar 3 velah a tuihal thu a inluah netute te bula a sawi hnuin, a hnu tlai dar 4-ah Hospital pan mai a duh thu a sawi leh a, hetih hunlai hian a inluah neitu ten an hna lama an buai thu an lo hrilh a, an kalpui ta lo. An va hmuh leh chuan a lo boral tawh niin an sawi.

A ruang hi Kabir Park Police Station panpui a nih hnuah Civil Hospital Amritsar-ah lak a ni a, vawiin chawhma dar 10 ah postmortem a ni ang.

ZALEN thudawn danin, Lalremruati ruang Mizoram panpui a nih hun tur hriat mai theih a ni lo a, Amritsar Mizote leh an chhung leh khatten ruahmanna an siam mek a ni.