Aizawl: India rama direct selling FMCG company lian ber, ‘Amway India’ chuan Zirtawpni khan Aizawl-ah ‘Beauty Store’ a hawng thar a, India rama Amway beauty store hmasa ber niin, B8, 2nd Floor, Rintei Building, Federal Bank chung, Chanmari-ah, Margret Zohmingthangi, AMC Ward 18 Councillor-in a hawng. Amway company hi kum 55-a upa niin, sumdawnna US dollar 9.5 billion chuang a kalpui mek a. Amway research & development hian product 1,000 chuangah neitu nihna (patent) a nei tawh a, a dang 600-ah patent dilna pending mek a la ni bawk. Amway hian research & development bikah hian scientists, engineers and technical professionals mi 900 chuang a nei a, khawvel puma laboratory 75-ah hna an thawk a ni. Amway India bik hian Nutrition, Beauty, Personal Care and Home Careah te product 130 chuang a nei a, chung te chu nitina hmang tute'n an fak em em a ni. Amway product te a rintlakna chu money back guarantee an pe hi a ni a, chumi awmzia chu an product leitute'n tha lo an tih chuan an leina pawisa an la let leh thei a ni.