ZALEN, August 26, 2026: Tanhril Presbyterian Kohhran Upa, Sangkunga Pautu chu vawiin tlai dar 5:00 vel khan an huanah thia hmuh a ni.

Tanhril YMA hruaitute atanga ZALEN thudawn danin kum 64 mi, Sangkunga hian Mizoram University (MZU) kawngah huan a nei a, tukthuan eikhama feha a chhuak tlai dar 4:00 thlenga a la haw loh avangin a chhungte an ngaihven a, thlamah thiin an hmu ta a ni.

He chanchin ziah lai thleng hian a thih chhan tak hriat theih a la ni lo va, naktukah post mortem tur niin thil tulte police leh forensic thiamten an buaipui mek.

Sangkunga hi MNF General Hqrs-ah general secretary lo ni tawhin tunah hian adviser a ni mek a. Zaninah lumen a ni ang a, naktukah vui tura ruahman a ni.