Aizawl: All India Radio, Aizawl chuan Zirtawpni kalta khan an kum 50 tlin ‘Golden Jubillee’ lawmna kal zelah zuk leh hmuam thatlohzia inzirtirna ‘Anti-Tobacco Campaign’ hun an hmang. Campaign a thu sawitu Indian Society on Tobacco & Health, Mizoram Chapter President Lal Riliani chuan mipuite chu vaihlo zuk leh hmuam laka fihlim turin a chah. State Nodal Officer Dr Jane R. Ralte chuan mithiamte chhut danin nikhatah zuk leh hmuam leina atana Mizoram mipuiin an senral chu Rs 60,93,000/- vel niin an chhut tih a sawi a. September 2016 velah GATS 2nd round neihan tum tih a sawi bawk.