ZALEN December 16, 2025 : Mizoram Cooperative Apex Bank Ltd. chuan Krismas dawna an tih thin angin vawiin Krismas pual thilpek an pe a, TNT, Muanna Veng-ah- Rs. 1,50,000/-, Operation Kingdom Ministry (OKM), Phunchawng - Rs. 50,000/-, Hermons Children Home, Durtlang - Rs. 50,000/- leh Cancer Khualbuk, Zemabawk-ah- Rs. 50,000/-te an hlan.

Apex Bank hian District hrang hrangah Branch kal tlangin miharsate tan Krismas pual thil pek an hlan bawk a. Chairman Lalnunsanga leh CEO A. Lallungmuana ten Krismas Chibai bukna thilpekte hi an hlan a ni.

Thilpek Hlanna hunah hian Senior Officer ten Chairman leh CEO te hi an tawiawm a. Apex Bank Chairman chuan "Krismas hi Mizo te hunpui ber a ni a, he huna 'sem sem dam dam, ei bil thi thi' tia duhsakna kan inhlan thin hi, a Mizo Kristian hle a ni," a ti.