ZALEN November 27, 2024 : National Federation of State Co-operative Banks (NAFSCOB) Diamond Jubilee lawmna New Delhi - Bharat Mandapam, Pragati Maidan neih mek-ah Mizoram Cooperative Apex Bank chuan kum-2 chhung a zawnin 2022-23 & 2023-24 ah India ram pum a 'Annual Performance Award For Best Performing State Cooperative Bank II-Tier Structure' zinga tehfung hrang hrang a tehna pakhatna lawmman chu Hon'ble Union Home & Cooperation Minister Amit Shah kut atangin Lalnunsanga, Chairman leh A. Lallungmuana Chief Executive Officer ten an dawng.

Tuntum NAFSCOB Diamond Jubilee lawm rual hian International Cooperative Alliance (ICA) Conference hman ni bawk a, President ICA Mr Ariel Guarco bakah Union Minister 3 leh Secretary Cooperation Ministry ten lawmman hlanna hun hi an hmanpui. Mizoram Cooperative Apex Bank Chairman Lalnunsanga hi NAFSCOB Board of Director nilai mek a ni.

APEX Bank hotute chuan lawmman hlu tak Best Performing State Cooperative Bank Award kum 2 chhung a zawna dawng theia an awm hi Mizoram mipuite te leh Mizoram Sawrkar leh Share Holder te tawiawmna vang tiin lawmthu an sawi. APEX Bank hi Mizoram a Bank 23 awm mek te zinga Mizo mipuite tan a luangchhuak nasa ber CD Ratio 77% nei mek a ni.