Aizawl; Mizorama sawrkar bank Apex Bank chuan hlep (2014-2015) chhungin Nuai 389.79 a nei a, hnathawkte pension tam zawk siamsakin hnathawk 160 a nei mek a. Hetih lai hian Mizoram a branch 78 nei mektu leh branch ngah ber, Mizoram Rural Bank chuan Nuai 2116 hlep a nei ve thung a ni. Report tar lan danin MRB hian 2014-15 ah NE-ah ber nihna 2 hauhin bank computerization zo hmasa ber leh Learning Centre nei awmchhun a ni bawk. District capital tuam chhuaktu MRB chuan khaw 272-ah inbun a tum laiin 207-ah a hlawhtling a. Staff 330 nei mek MRB chuan 2014-15 chhunga branch tin sum che vel chu Nuai 2919 ah khaikhawm a nih laiin thawktu 1 in Nuai 681 thawk chhuak anga chhut a ni bawk. Loan atanga hmuhlet zat chu Nuai 7866 a nih laiin pawisa dahluh Nuai 149,203 a ni (Vbc 1492.03). Apex Bank-ah hian 2014-15 chhungin dawrtute'n Nuai 51,715 dah lutin a hma kum aiin Nuai 2,111 in a tam a; loan a pek chhuah Nuai 7574.01 niin CD ratio 70% ni pha a, loan rulhna a\angin Nuai 4,093 a luta, sum puk rul \halo teah Nuai 78.26 \hinchhuah an ni bawk. Senso belh khawm Nuai 4970.86 niin Nuai 5360.65 a thawkchhuak bawk. Branch 13 \heuha sum lut chhuak chawh rual chu Nuai 7,359 ah hrut rual a ni a, thawktu 1 in Nuai 511.62 zel a thawkchhuak niin Apex chuan a tarlang. February khan LIC dawrin Group Defined Superannuation Scheme chu Apex chuan a hnathawkte a tihsaka pension tihtham tal an nei tawh dawn a ni.