Aizawl: Lumding atanga Bairabi thleng rel kawng liana siam hna chu March thla hian zawh hman tum a ni a, April 2016 atang chuan rel lian zawk a lo thlen theih beisei a ni. Rajya Sabha MP Ronald Sapa Tlau chuan rel kawng lian (broad gauge) a siam thawhkhatna, Lumding - Silchar chu October 2015 ah zawh a ni tawh tih a sawi a, a thawh hnihna Silchar - Bairabi siam hna pawh March 2016 chhungin zawh hman tum a ni tih a sawi. MP chuan, "Hmun hrang hranga kudam siam ngai tawh lovin Punjab leh Haryana atangin direct in kan buhfai tur a lo thleng thei tawh dawn a ni," a ti. Ramrikawn atanga FCI kudam sawnchhuah chungchangah Rajya Sabha MP chuan a hmun tur ruahmanna hmasa chu Picnic Spot neite an awm avangin a remlo niin a sawi a. “Tunah hian railways thuneitute nen cricket stadium bulah ram kan en mek a, a rem theih kan beisei a ni,” a ti. Ronald Sapa Tlau chuan, “FCI kudam chu metres 800 tala thui rel wagon thlen theihna anih a ngai a, mahse tlangram ah chuan metres 400 ve vea siamrem (adjust) kan dil a, rem an ti dawn niin kan hria,” a ti bawk.