ZALEN March 12, 2026: UD&PA minister K Sapdanga'n Assam Rifles chhuahsan ramah, March ni 17, 2026 atangin kutthlak tan a ni dawn tih house a hrilh.

Vawiin assembly budget session zawhna leh chhanna huna member te zawhna chhangin UD&PA minister chuan, AR chhuahsan ram hi a hman dan tur ngaihtuahtu CM kaihhruaina in Advisory committee din a nih thu a sawi a, chutah chuan party hrang hrang leh NGO aiawh te, social actitives aiawh te, kohhran aiawhte pawh an tel a ni. Chu chuan he ram humhalh dan tur leh hman tangkai dan tur ngaihtuahna an seng thin tih a sawi.

UD&PA minister sawi danin, he hmunah hian heritage value nei chi hrang hrang a awm a, heritage value tak tak nei te lo chu thenfai a tha zawk em tih rawtna a awm avangin, quarter guard leh Loch house tih loh chu thiah tur a ruahman a ni

Traesury square leh bazar bungkawn inkar kawngpui chu inrual tlang phei patin, feet 50 vela zauin laih tlang phei tur a ni dawn a, chu chu tun Thawhlehni lo awm tur zing dar 7:30 atangin laih tan tur a ni.

Mandir pawh suan chhuah a ni dawn a, chumi hmunah chuan public park siam a ni ang. Lammual grass pawh artificial grass tha ber chi in thlak tum a ni.

AR cinema hall hmunah chhawng li vel a sangin parking lot siam tum a ni a, car sang tel lenna tur parking lot siam tum a ni. Chumi chungah chuan hall sak tum a ni, chu hall sak thar tur Vanapa hall hming put tir tum a ni.

#ZalenNews