DOWNLOAD OUR APP

Read latest news on your phone
app-store
A.R Lammual-ah MLTR an che dawn!
Oct 26, 2022

Danish soft rock band lar Michael Learns to Rock (MLTR) chu November 25 khian A.R Lammual-ah an rawn concert dawn a, an hla hit ber berte an rawn sa dawn. MLTR ngaisangtute lo inbuatsaih rawh u, Aizawl khawpuiah ngei an rawn che dawn e. 

Member pathum - Jascha Richter, Mikkel Lentz leh Kåre Wanscher te awm mekna MLTR hi 1988 khan an ding a, an din tirh atanga an member Søren Madsen chuan kum 2000 khan band hi a chhuahsan thung a ni. Rimawi khawvelah hming an chher hle a, an hla pawh copy maktaduai 11 zet an hralh a ni. Asia khawmualpuiah hriat an hlawh zual a, an band pawh hian Asia lam hi an ngaipawimawh hle a ni. 

India-ah pawh an vawi khat rawn kalna tur a ni tawh lo a, kan state thenawm Meghalaya-ah pawh an lo concert tawh a ni. Kumin kum tawp lam hian India-ah tour an rawn nei leh dawn a, khawpui hrang hrang an tawh tur zingah Aizawl pawh a tel a ni. 

MLTR hian Meghalaya pawh an thlawh leh dawn a, 'Me’gong Festival' ah an perform dawn. MLTR hian '25 Live Anniversary Celebration Tour' an nei mek a, hemi kal zelah hian India pawh an rawn pan dawn. India rama khawpui hrang hrang bakah hmarchhaka khawpui pali - Guwahati, Dimapur, Shillong leh Aizawl-ahte concert hi an nei dawn a ni. 

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh