ZALEN January 18, 2026: Aizawl khawpuia Assam Rifles luah thin ramah mi 113-in LSC an nei a, an zinga mi 13-in an LSC sawrkarah an pe lut tawh.

Land Revenue & Settlement department-in RTI zawhna a chhanna atanga a lan danin Assam Rifles-in Aizawl khawpui chhung hmun riat an chhuahsan tawh.

Aizawl khawpui chhunga Assam Rifles-in chhuahsan loh tur hmun hnih a awm a, hengte hi 23 Sector Hqs, Khatla leh DIG Residence, Tuikhuahtlang te an ni.

Tuna Assam Rifles-te insawnna hmun, Zokhawsang hi a zau zawng chu 523.955 Ha a ni a, Zokhawsangah hian Assam Rifles hi land lease pek hmangin an awm tih a sawi bawk.

Assam Rifles chhuahsan ramte (sq. metre)

a) Lammual - 1,12,004.822

b) A.R. School - 4,081.338

c) Quarter Guard Hill - 61,401.276

d) Church Area - 2,549.815

e) War Memorial - 3,156.548

f) Loch House - 7,336.817

g) Chite - 2,54,142.808

h) McDonald Hill - 1,833.955

Total - 4,46,507.379 square metre